இந்தியப் பொருளாதாரம் - சில மந்திரச் சொற்கள்

இந்தியப் பொருளாதாரம் - சில மந்திரச் சொற்கள்

Posted Date : 20:12 (12/12/2013)Last updated : 20:12 (12/12/2013)

- கதிரவன்
நிர்வகிக்கப்பட்ட விலை (Administered Price)
அரசால் நிர்ணயிக்கப்படுகிற விலை (எ.கா.) கரும்பு கொள்முதல் விலை
மதிப்புக்  கூட்டு வரி (Ad-Valorem Tax)
 பொருளின் மதிப்பு அடிப்படையில் விதிக்கப்படும் வரிமுறைமுக வரி (எ.கா.) VAT
சமநிலை வரவு செலவுத் திட்டம் (Balanced Budget)
 அரசின் வருவாயும், செலவும் சமமாக இருக்கும்படி தயாரிக்கப்பட்ட வரவு  செலவுத் திட்டம்
செலுத்துதல் சமநிலை (Balance of Payment)
 நாட்டின் மொத்த அந்நிய செலுத்துதல்கள் மற்றும் மொத்த பெறுதல்கள் குறித்த முறையான கணக்கு.
 புலனாகும் மற்றும் புலனாக இனங்கள் அடங்கியது.

வாணிபச் சமநிலை (Balance of Trade)
 நாட்டின் மொத்த ஏற்றுமதி மதிப்புக்கும், இறக்குமதி மதிப்புக்கும் இடையேயான வேறுபாடு.
 புலனாகும் இனங்கள் மட்டும்.
வங்கி வீதம் (Bank Rate)
 மைய வங்கி, வணிக வங்கிகளின் முதல் தர உண்டியல்களைத் தள்ளுபடி செய்யும் வீதம் (Discount Rate)
 வட்டி வீதம்
பிறப்பு வீதம் (Birth Rate)
 குறிப்பிட்ட காலத்தில் (ஓராண்டில்) 1000 மக்கள் தொகைக்கு பிறக்கும் குழந்தை களின் எண்ணிக்கை விகிதம்.
 உயிரோடு பிறப்பு மட்டும் கணக்கிடப்படும்.
கறுப்புப் பணம் (Black Money)
 கணக்கில் வராத, வரி செலுத்தப்படாத வருவாய்
 இணைப் பொருளாதாரத்தை (Parallel Economy) உருவாக்குகிறது.
வரவு செலவு திட்ட பற்றாக்குறை (Budget Deficit)
 அரசின் வருவாயை விட செலவு அதிகமாக இருக்கும் வரவு செலவுத் திட்டம்
வாணிபச் சூழல் (Business Cycle)
 பொருளாதார நடவடிக்கைகளில் ஏற்படும் மாற்றங்கள் 4 நிலைகளைக் கொண்டது. அவை மந்தம், முன்னேற்றம், பூரிப்பு, பின்னிறக்கம்
மூலதன வரவு செலவுத்திட்டம் (Capital Budgeting)
 முதலீட்டிற்காக நீண்டகாலத் திற்குப் போடப்படும் வரவு செலவுத் திட்டம்.
மூலதனச் சந்தை Capital Market
 நடுத்தர மற்றும் நீண்டகாலக் கடன்களைக் கொடுக்கும் நிதிநிறுவனங்கள்
முதலாளித்துவப் பொருளாதாரம் (Capitalism)
 தனியார் துறை உற்பத்தி
லாப நோக்கம்
 சந்தைப் பொருளாதாரம் (தேவை, அளிப்பு)
 தலையிடாக் கொள்கை
ரொக்க இருப்பு விகிதம் (Cash Reserve Ratio)
 ரிசர்வ் வங்கியின் கடன் அளவுக் கட்டுப்பாடு
 வணிக வங்கி, ரிசர்வ் வங்கியிடம் இருப்பாக வைத்திருக்க வேண்டிய வைப்பு விகிதம்.
மலிவுப் பணக் கொள்கை (Cheap Money Policy)
 குறைந்த வட்டியில் கடன் வழங்கும் கொள்கை
 மந்த நிலையிலிருந்து பொருளா தாரத்தை மீட்க மேற்கொள் ளப்படும் நடவடிக்கை.
நுகர்வோர் விலைக்குறியீடு (Consumer Price Index)
 வாழ்க்கைச் செலவு குறியீட்டென்.
 சில்லறை விலை குறியீட்டெண்
 அடிப்படை ஆண்டைக் காட்டிலும் நுகர்வோர் ஒரு பொருளுக்கு நடப்பு ஆண்டில் எவ்வளவு விலை அதிகமாகக் கொடுக்கிறார் என்பதை அளவிடுவது.
அருமைப் பணம் (Dear Money)
 அதிக வட்டி வீதத்திற்கு அளிக்கப்படும் கடன்.
 பணம் கிடைப்பதற்கு அரிதாக இருக்கும்.
 பணவீக்கத்தைக் கட்டுப்படுத்த உதவும்.
இறப்பு வீதம் (Death Rate)
 ஓராண்டில் ஆயிரம் பேருக்கு எத்தனை பேர் இறக்கிறார்கள் என்ற விகிதம்
பற்றாக்குறை நிதியாக்கம் (Deficit financing)
 வரவு செலவுத் திட்ட பற்றாக்குறையை சமன்செய்ய உருவாக்கப்படும் நிதி.
 J.M.  கீன்ஸ் என்பவரால் அறிமுகப்படுத்தப்பட்டது.
 பணவீக்கத்தை ஏற்படுத்தலாம்.
பணவாட்டம் (Deflation)
 விலை குறைந்து செல்லும் போக்கு
 பண அளிப்பை விட பொருள் உற்பத்தி அதிகமாக இருக்கும்.
 பணமதிப்பு அதிகரிக்கும்.
பணமதிப்பு குறைத்தல் (Devaluation)
 மற்ற நாட்டு பணத்தோடு ஒப்பிடுகையில் ஒரு நாட்டுப் பணத்தின் மாற்று மதிப்பை (Exchange Value) குறைத்தல்.
 நாட்டின் பாதக அந்நிய செலுத்து நிலையை சரிசெய்ய பயன்படுத்தப்படுவது.
பற்றாக்குறை நிதியாக்கம் (Deficit Financing)
 பற்றாக்குறையை சமன் செய்ய உருவாக்கப்படும் நிதிகடன்கள்  அல்லது புதிய பணவெளியீடு மூலமாக மேற்கொள்ளப்படுவது.
நேர்முக வரி (Direct Tax)
 வரிப் பளுவை மாற்ற இயலாது.
 வரி விதிக்கப்படுபவர் மீதே வரிப்பளு விழும்.
 எ.கா. வருமான வரி.

ஏங்கல்ஸ் விதி (Engel’s Law)
 ஏர்னஸ்ட் ஏங்கல் என்பவரால் ஏற்படுத்தப்பட்டது.
 வருவாய் அதிகரிக்கும்போது உணவுக்காக செலவிடப்படும் வருவாயின் பகுதி குறையும்.
 வருவாய் குறைவாக இருக்கும்போது உணவுச் செலவு பகுதி அதிகமாக இருக்கும்.
நிதிக் கொள்கை (Fiscal Policy)  
 அரசின் பொருளாதாரக் கொள்கை
 பொது வருவாய் (வரி), பொதுச் செலவு, பொதுக் கடன், பொதுக் கடன் மேலாண்மை ஆகிய வற்றை உள்ளடக்கியது.
நிதிநிலைத்தன்மை (Financial Stability)
பொருளாதாரஏற்றத் தாழ்வுகளை தாங்கக்கூடிய நிதி ஒதுக்கீடு
பொருளாதார வளர்ச்சிக்கு அடிப்படை
கிரஷாமின் விதி (Greshmam’s Law)
 இங்கிலாந்து அரசி எலிசபெத்தின் பொருளாதார ஆலோசகர் சர். தாமஸ் கிரஷாம் கூறியது.
 கெட்ட பணம், நல்ல பணத்தை புழக்கத்திலிருந்து வெளியேற்று கிறது.
மொத்த உள்நாட்டு உற்பத்தி (Gross Domestic Product) (GDP) 
 உள்நாட்டில் உற்பத்தி செய்யப் படும் (ஓராண்டில்) பொருட்கள் மற்றும் பணிகளின் மொத்த மதிப்பு.
 நடப்பு விலை மற்றும் நிலையான விலைகளின் அடிப்படையில் கணக்கிடப்படுகிறது.
மொத்த தேசிய உற்பத்தி (Gross National Product)
 ஒரு நாட்டு மக்களால் உள்நாட்டிலும் வெளிநாட்டிலும் உற்பத்தி செய்யப்படும் பொருள்கள் மற்றும் பணிகளின் மொத்த மதிப்பு.
மனித வள மேம்பாட்டுக் குறியீடு (Human Development Index) (HDI)
 மனித வளத்தின் தன்மை பற்றிய குறியீடு
 ஆயுட்காலம் (உடல் நலம்), கல்வியறிவு மற்றும் வாழ்க்கைத் தரம் ஆகியவற்றை உள்ளடக் கியது.
 இந்தியாவின் நிலை / 134/186.
மறைமுக வரி (Indirect Tax)  
 வரி அமைப்பு
 வரி பளுவை எளிதாக மற்றவர்களுக்கு மாற்றலாம்.
 வரிபளு வரி செலுத்து வோருக்குத் தெரியாது.
பணவீக்கம் (Inflation)
 விலை மட்டம் அதிகரித்துச் செல்லும் போக்கு.
 பணமதிப்பு குறையும்.
 பணப்புழக்கம் அதிகரிக்கும் போது ஏற்படும்.
தலையிடாக் கொள்கை (Laissez Faire Policy)
 அரசு பொருளாதார நடவ டிக்கைகளில் தலையிடக் கூடாது.
 சந்தைப் பொருளாதாரம் அல்லது முதலாளித்துவப் பொருளாதாரத்தைக் குறிப்பது.
கடன் வீதம் (Lending Rate)
முதன்மை வட்டி வீதம் தங்களது சிறந்த வாடிக்கையாளர்கள்  எனக் கருதப்படுபவாகளுக்கு வழங்கப்படும் கடனுக்கான வட்டிவீதம்
கலப்புப் பொருளாதாரம் (Mixed Economy)
முதலாளித்துவமும், சமதர்மப் பொருளாதாரமும் இணைந் தது.
பொதுத்துறையும், தனியார் துறையும் இணைந்தே இருப்பது.
 எ.கா. இந்தியா
பணச்சந்தை (Money Market)
 குறுகிய காலக் கடன்களைக் கொடுக்கும் நிதிநிறுவனங்கள்.
 எ.கா. வணிக வங்கிகள்.
பணக் கொள்கை (Monetary Policy)
 மைய வங்கியினால் செயல் படுத்தப்படுவது.
 நாட்டின் பணப்புழக்கத்தைக் கட்டுப்பாட்டுக்குள் வைத் திருக்கப் பயன்படுத்தப்படுவது.
 கடன் கட்டுப்பாட்டு முறைகளை உள்ளடக்கியது.
முற்றுரிமை (Monopoly) 
 சந்தையில் ஒரே ஒரு உற்பத்தி யாளர் அல்லது விற்பனையார் இருப்பது.
 அவரது பொருளுக்கு பதிலீட்டுப் பொருட்கள் இல்லாமல் இருக்கும்.
 விலையை விற்பனையாளரே தீர்மானிப்பார்.
 லாபம் அதிக அளவு இருக்கும்.
தேசிய வருவாய் (National Income)
 நாட்டில் ஓராண்டில் உற்பத்தி செய்யப்பட்ட பொருள்கள் மற்றும் பணிகளின் மொத்த மதிப்பு
வறுமைக்கோடு (Poverty Line)
வருவாய் மற்றும் உணவு உட்கொள்ளுதலை கணக்கிட்டு நிர்ணயிக்கப்பட்ட கோடு.
அறிவியல் அடிப்படையில் மனிதன் ஒருவனுக்கு நாள் ஒன்றுக்கு 2100 கலோரி அவனது உணவு மூலம் கிடைத்தால் வறுமைக் கோட்டிற்கு மேல் வாழ்கிறான்.
தனியார்மயமாக்குதல் (Privatisation)
பொதுத்துறை நிறுவனப் பங்குகளைத் தனியாருக்கு விற்பனை செய்தல்.
 எ.கா. என்.எல்.சி (NLC) பங்குகளைத் தனியாருக்கு விற்க முயன்றது.'
முதன்மைக் கடன் வீதம் (Prime Lending Rate)
 வங்கிகள் தங்களது முக்கியமான நம்பகமான வாடிக்கையாளர்களுக்கு அளிக்கும் கடன் மீதான வட்டி வீதம்.
பருவகால வேலையின்மை (Seasonal Unemployment)
பருவகால மாற்றத்தினால் ஏற்படும் வேலையின்மை.
 இந்திய வேளாண்மைத் துறையில் அதிகமாகக் காணப்படுவது.
சமதர்மப் பொருளாதாரம் (Socialism) 
 அனைத்து உற்பத்தி வளங்களும் அரசுடமை.
 மைய பொருளாதாரத் திட்டமிடல்.
மென் பணம் (Soft Currency)
 தங்கம் அல்லது பிற பணமாக மாற்றக் குறைவான வாய்ப்புகள் உள்ள பணம்.
 மாற்று மதிப்பு குறைந்து செல்லும் பணம்.
மதிப்புக் கூட்டு வரி (Value Added Tax)
விற்பனை வரிக்குப் பதிலாக விதிக்கப்படுவது.
மறைமுக வரி.
 உற்பத்தி மற்றும் விற்பனையின் ஒவ்வொரு நிலையிலும் பொருளின் மதிப்பின் அடிப் படையில் நிர்ணயிக்கப் படுகிறது.
சூர்யோதயத்துறை (Sunrise sector)
 எதிர்காலத்தில் அதிகத் தேவை  இருக்கும் பொருள்களைஉற்பத்தி செய்யும் துறை (எ.கா) அண்ட்ராய்டு செல்போன் தொழில் நுட்பம்,  LCD, LED, TV’s
சூர்ய அஸ்தமனத்துறை (Sun set Sector)
 எதிர்காலத்தில் தேவைகுறையும் பொருட்களைஉற்பத்திசெய்யும் துறை (எ.கா) இரண்டு ஸ்டிரோக்  மோட்டார் சைக்கிள்கள்.
 மொத்த விற்பனை விலைக் குறியீட்டெண் (Wholesale Price Index) 
 மொத்த விலையின் அடிப்படையில் கணக்கிடுவது.
பூஜ்ஜிய வரவு செலவுத் திட்டம் (Zero Base Budgeting) 
ஒவ்வொரு ஆண்டையும் அடிப்படை ஆண்டாக நிர்ணயித்து வரவு செலவுத் திட்டத்தை தயாரித்தல்.
நில உச்சவரம்பு (Ceiling on Land Holding)
ஒருவர் அல்லது ஒரு குடும்பம் அதிகபட்சம் எவ்வளவு நிலம் நிகழ்காலத்திலும் எதிர்காலத் திலும் வைத்திருக்கலாமெனப் பெரும்பான்மையான  மாநிலங் கள் சட்டமியற்றியுள்ளன.
நிலஉச்சவரம்பு மாநிலத்திற்கு மாநிலம் வேறுபாடுகின்றன. தமிழ்நாட்டில் 5 நபர்கள் கொண்ட ஒரு குடும்பத்திற்கு 15 ஸ்டாண்டர்டு ஏக்கர் என நிர்ணயிக்கப் பட்டுள்ளது.
இரண்டாவது தலைமுறை பசுமைப்புரட்சி (Second Generation Green Revolution)
சிறு விவசாயிகளுக்கும் பசுமைப் புரட்சியின் பயனைப் பெறாத கிழக்கு உத்தரப்பிரதேசம், பீகார் மற்றும் நாட்டின் சில பகுதிகள் தற்போது பயனடைய வழிசெய்தல், புன்செய் நிலங்களிலும் புதிய சாகுபடி முறைகள் மூலம் உற்பத்தி ஆகியன இரண்டாவது கட்ட பசுமைப் புரட்சியின் மூன்று அம்சங்கள் ஆகும்.
மண்டல கிராம வங்கிகள் (Regional Rural Banks)
மண்டல கிராம வங்கிகள் 02.10.1975 முதல் செயல்படுகின்றன.கூட்டுறவு வங்கிகளும் வணிகவங்கிகளும் வேளாண்மை மற்றும் கிராமத் தொழில்களின் கடன் தேவையை பூர்த்திசெய்ய முடியாத நிலையை அடுத்து ,அவைகளுடன் சேர்ந்து கடன் வழங்குவதற்காக மண்டல கிராம வங்கிகள் தொடங்கப்பட்டன.
தேசிய வேளாண்மை ஊரக வளர்ச்சி வங்கி
(NABARD – National Bank for Agriculture and Rural Development)
இந்திய நாடாளுமன்றத்தில் 1981 ஆம் ஆண்டு டிசம்பர் திங்களில் இயற்றப்பட்ட ஒரு சட்டத்தின் மூலம் தேசிய வேளாண்மை ஊரக வளர்ச்சி வங்கி உருவாக்கப் பட்டது.
தேசிய வேளாண்மை ஊரக வளர்ச்சி வங்கி 1982-ஆம் ஆண்டு ஜூலை முதல் பணியாற்ற தொடங்கியது. கிராமக் கடனுக்காக உருவாக்கப்பட்ட தலைமையான மறுநிதி வங்கியாகும்.
கிசான் கடன் அட்டைத் திட்டம் (Kisan Credit Card Scheme)
மத்தியஅரசு 1998-99-ல் மிகவும் புரட்சிகரமான இத்திட்டத்தை அறிவித்தவுடன், நபார்டு வங்கி இத்திட்டத்தை செயல்படுத்தி வருகின்றது. சாகுபடி செலவிற்கான வேளாண் கடன் பெறத் தகுதியுடைய விவசாயிகளுக்கு 'கிசான் கடன் அட்டை' வழங்கப்படும். பெற்ற பணத்தை 12 மாதங்களுக்குள் திருப்பிச் செலுத்தவேண்டும். அனுமதிக்கப்பட்ட கடன் தொகைக்குள் எப்பொழுது வேண்டுமானாலும் விவசாயி எளிதாக இக்கடன் அட்டையின் மூலம் கடன் பெறலாம்.
இந்தியத் தொழில் கடன் முதலீட்டுக் கழகம்
(ICICI – Industrial Credit and Investment Corporation of India)
1997-98 முதல் நாட்டின் தலையாய வளர்ச்சி வங்கியாக வளர்ந்துள்ளது.  1955-ல் தொடங் கப்பட்ட இவ்வங்கி தனியார்  தொழில் நிறுவனங்களுக்கு மத்தியகால மற்றும் 15 ஆண்டுகள் வரை நீண்டகாலக் கடன் வழங்குகின்றது. கடன் உத்தரவாதமும் அளிக்கின்றது.
இந்திய சிறுதொழில் வளர்ச்சி வங்கி
(SIDBI – Small Industries Development Bank of India)
லக்னோவை தலைமையிடமாகக் கொண்ட சிறுதொழில் வளர்ச்சிக்கென நம் நாட்டின் மிகப் பெரிய முன்னோடி வங்கியான இந்திய சிறுதொழில் வளர்ச்சி வங்கி 1990 ஏப்ரல் முதல் செயல்படுகின்றது.
இந்திய ஆயுள் காப்பீட்டுக் கழகம் (LIC – Life Insurance Corporation of India)
நாட்டில் செயல்பட்ட 245 தனியார் ஆயுள் காப்பீட்டுக் கழகங்களை ஒருங்கிணைத்து 01.09.1956-ல் நாட்டுடைமையாக் கப்பட்டு, இந்திய ஆயுள் காப்பீட்டுக் கழகம் என பெயர் சூட்டப் பட்டது.
இந்திய  யூனிட் டிரஸ்ட் (UTI – Unit of Trust of India)
1964 பிப்ரவரி திங்களில் இந்திய அரசால் ஏற்படுத்தப்பட்டது.
சாதாரண மற்றும் நடுத்தர மக்களின் சேமிக்கும் ஆர்வத்தை வளர்க்கவும், அச்சேமிப்பை ஒன்று திரட்டி தொழில்களில் முதலீடு செய்வதும் ஆகும்.
ஆரம்பத்தில் இந்தியா ரிசர்வ் வங்கியின் துணை நிறுவனமாக செயற்பட்ட இது 16.02.76 முதல் இந்திய தொழில் வளர்ச்சி வங்கியின் துணை நிறுவனமாகவும் இருந்தது.
பொதுக் காப்பீட்டுக் கழகம் (GIC – General Insurance Corporation)
அனைத்து நிதி நிறுவனங்களில் இதுவும் ஒன்று. 1973 முதல் செயல்படுகின்றது. (மனிதஉயிர் தவிர்த்து பிற) மோட்டார் வாகனங்கள், விபத்து, வீடு, கடை போன்றவைகளுக்கு காப்பீடு அளித்து, பிரீமியமாகத் திரட்டிய பணத்தை தொழில்களுக்கு முதலீடாகவும், கடனாகவும் தருகின்றன.
ஏற்றுமதி இறக்குமதி வங்கி (EXIM Bank)
நாட்டின் ஏற்றுமதி இறக்குமதிக்கான நிதித்தேவைக்காக 1982-ம் ஆண்டில் ஏற்படுத்தப்பட்டது.
தேசிய சுகாதாரக் கொள்கை 2002 (National Health Policy 2002)
2002-ஆம் ஆண்டு மத்திய அரசு இக்கொள்கையை அறிவித்தது. 2005-ஆம் ஆண்டுக்குள் இளம்பிள்ளை வாதம் மற்றும் தொழுநோய் 2010-க்குள் காலாஆசார்  யானைக் கால் நோயையும் ஒழிப்பது ஆகியவை இதன் முக்கிய குறிக்கோள்கள்.
ஸ்வர்ண ஜெயந்தி கிராம் ஸ்வராஜ்கா  யோஜனா
(SGSY – Swarnajayanthi Gram SwarozgrYojana)
நம் நாட்டில் வறுமை ஒழிப்பு மற்றும் சுய வேலைவாய்ப்புத் திட்டங்களில் இது முக்கியமான தாகும்.
முதன் முதலாக 1978-79-ஆம் ஆண்டு ஒருங்கிணைந்த ஊரக வளர்ச்சித் திட்டம் என்ற பெயரால் நாட்டிலிருக்கும் 5000 ஊராட்சி ஒன்றியங்களிலிருந்து தேர்ந்தெடுக்கப் பட்ட 2000 ஒன்றியங்களில் அறிமுகப்படுத்தப்பட்டது.
1980அக்டோபர் திங்களில் அனைத்து ஒன்றியங்களுக்கும் விரிவுபடுத்தப்பட்டது.
ஜவகர் கிராம் சம்ருதி யோஜனா (JGSY – Jawahar Gram SamridhiYojana)
வேலைவாய்ப்புத் திட்டங்களில் முக்கியமானதிட்டமாகும்.  ஏற்கெனவே செயல்பாட்டிலிருந்த தேசிய ஊரக வேலை வாய்ப்புத் திட்டம்  மற்றும் ஊரக நிலமற்றோர்  வேலை வாய்ப்பு உறுதித்திட்டம் ஆகிய இரு திட்டங்களையும் இணைத்து ஜவகர்  வேலைவாய்ப்புத் திட்டம் உருவாக்கப்பட்டது.
1989 ஏப்ரல் முதல் நாளிலிருந்து செயல்பட்டுவந்தது. அத்திட்டத்தையும் மறுசீரமைத்து 1999 ஏப்ரல் முதல் நாளிலிருந்து 24.09.2001 வரை ஜவஹர் கிராம் சம்ருதி யோஜனா என்ற பெயரால் செயல்படுத்தப்பட்டது.
வேலைவாய்ப்பு உறுதித் திட்டம் (EAS – Employment Assurance Scheme)
மறுசீரமைக்கப்பட்ட பொது வினியோக முறை அமலில் இருக்கும் 257 மாவட்டங்களில் 1778 ஊராட்சி ஒன்றியங்களில் 02.10.93-ல் இத்திட்டம் அறிமுகப்படுத்தப்பட்டது.செலவை மத்திய அரசும் மாநிலஅரசும் 75:25 என்றவிகிதத்தில் ஏற்றுக் கொண்டன.
இந்திராஅவாஸ் யோஜனா (IAY – Indira AwaasYojana)
ஏழ்மை நிலையிலுள்ள ஆதி திராவிடர், பழங்குடியினர், கொத்தடிமைகளிலிருந்து மீட்கப்பட்ட வர்கள், ஊரக வறுமைக் கோட்டிற்கு கீழே உழல்பவர்களுக்கு 1985-86 முதல் இத்திட்டத்தில் இலவசமாக வீடு கட்டித் தரப்படுகின்றது.
தேசிய வேலைக்கு உணவுத் திட்டம்
(NFFWP – National Food for Work Programme)
2004 நவம்பரில் மத்திய அரசின் முழுச் செலவுடன் 150 மிகவும் பின் தங்கிய மாவட்டங்களில் ஆரம்பிக்கப்பட்டது.
நகர்புற வசதிகளை ஊரகங்களில் அளித்தல்
(PURA – Provision of Urban Amenities in Rural Area)
முன்னாள் குடியரசுத் தலைவர் டாக்டர் ஏ.பி.ஜே. அப்துல்காலம் அவர்களின் அறிவில் உதித்த இத்திட்டம் 2004-05 முதல் செயல்படுத்தப்படுகின்றது.
நகர்ப்புற  ஊரக இடைவெளியைக் குறைப்பதும், சீரான சமூகபொருளாதார வளர்ச்சியும் இத்திட்டத்தின் நோக்கமாகும்.
பாரதநிர்மான் (BharathNirman)
நாட்டில் ஊரக உள்கட்டுமான வசதிகளை மேம்படுத்தி நாட்டையே மேம்படுத்தும் மிகப்பெரிய திட்டமாக 2005-06 முதல் செயல்படுத்தப்படுகின்றது.
 தமிழ்நாட்டிலிருந்து மத்திய நிதி அமைச்சராக பணியாற்றியவர்கள்
ஆர்.கே.சண்முகம் செட்டியார்
டி.டி.கிருஷ்ணமாச்சாரி
சி.சுப்பிரமணியம்
ஆர்.வெங்கட்ராமன்,
ப.சிதம்பரம்