வெல்லும்வரை விடமாட்டேன் ...

ஈன்றபொழுதின்பெரிதுவக்கும்தன்மகனைச் சான்றோன்எனக்கேட்டதாய்" மற்றும் "தந்தைமகற்காற்றுநன்றிஅவையத்து முந்திஇருப்பச்செயல்" என்னும் வள்ளுவப்பெருந்தகையின் வாக்கினை மெய்ப்பிக்கும் வகையில் "மகன்தந்தைக்குஆற்றும்உதவிஇவன்தந்தை என்நோற்றான்கொல்எனும்சொல்" என்று கைமாறாக தன்னை ஈன்றெடுத்த பெற்றோருக்கு மட்டும் பெருமை சேர்க்காமல் "மாபெரும் சபையினில் நீ நடந்தால் உனக்கங்கு மாலைகள் விழவேண்டும் , ஒரு மாற்று குறையாத மன்னவனிவனென்று போற்றி புகழ வேண்டும் " என்ற கவியரசு கண்ணதாசனின் கூற்றிற்கு இணங்க பாரதத்தின்பெருமைகளை பாருலகம் பாராட்டும்படி பாங்காக பறைசாற்றி, ஒவ்வொரு இந்தியனையும் பெருமைப்படுத்திய உலகமே வியக்கும்வண்ணம் பாரதம் போற்றும் பெருமகன் மோடி அவர்களின் மாண்பினை பாராட்டுவதற்கு வார்த்தைகள் ஏது?

வெல்லும்வரை விடமாட்டேன் ...

ஆற்றுவெள்ளத்தில் அடித்துப்போகும்
இலையல்ல நான் ...
பாதைபோட்டு பயணிக்கும்
ஆறுதான்டா நான் ...

என்பாதையை தீர்மானிக்க
எனக்குமட்டுமே உரிமையிருக்கு ...
புதிதாய்வோர் பாதையை
பூமிக்குத்தருவதே எந்தன்கணக்கு ...

" எதிர்காலம் எனக்குத்தான் "

இன்பம்துன்பம் நிரந்தரமில்லையென - நான்
என்றைக்கு உணர்ந்தேனோ ....

அன்றிருந்தே ...

கவலை ...
என்னை கவலைப்படுத்த முடியாமல் கவலைப்படுகிறது ...

வாழ்க்கை

1. உங்கள் வாழ்க்கையின் பெரும்பகுதியை நீங்கள் செய்கிற வேலைதான் நிரப்புகிறது. அந்த வேலையில் நீங்கள் மனப்பூர்வமாக திருப்தியடைய ஒரே ஒரு வழிதான் இருக்கிறது. அந்த வழி... நீங்கள் செய்கிற வேலையை மனதார நேசித்து செய்வதுதான். உங்களின் நேசத்துக்கு உரிய வேலையை கண்டடையும் வரை தேடிக் கொண்டே இருங்கள். ஒரே இடத்தில் தேங்கி நின்றுவிடாதீர்கள்.

2. உங்களுக்காக ஒதுக்கப்பட்ட நேரம் வரையறுக்கப்பட்டது. மற்றொருவரின் எண்ணங்களில் கருத்துக்களில் வாழாமல் உங்களின் உள்ளுணர்வை பின்பற்றிச் செல்லுங்கள்.

3. கல்லறையில் ஒரு பெரும் பணக்காரனாக இருப்பது எனக்கு ஒரு விஷயமே இல்லை. இரவு உறங்கப் போகும் போது நாம் இன்று ஒரு அற்புதமான விஷயத்தை செய்திருக்கிறோம் என்று சொல்வதுதான் எனக்கு பெரிய விஷயமாகும்.

4. எனக்கு 17 வயதாக இருக்கும் போது சில வார்த்தைகள்  என்னை மிகவும் கவர்ந்தது. " உங்கள் வாழ்க்கையின் ஒவ்வொரு நாளையும் கடைசி நாளாக நினைத்து வாழ்ந்தால், நிச்சயமாக ஒரு நாள் அது நிறைவேறும்' என்பதுதான் அந்த வார்த்தைகள். இந்த வார்த்தைகள் என்னை பெரிதும் பாதித்தது. கடந்த 33 வருடங்களாக தினமும் காலையில் கண்ணாடியில் என்னைப் பார்க்கும் போது "இன்று தான் என் வாழ்க்கையின் கடைசி நாள் என்று எனக்கு நானே  சொல்லிக்கொண்டு என் வேலைகளை ஆரம்பிப்பேன்.

5. சில நேரங்களில் இந்த வாழ்க்கை உங்கள் தலையை செங்கல் கொண்டு அடித்து நொறுக்கும். எந்த நேரத்திலும்  நம்பிக்கையை இழந்து விடாதீர்கள்.

6. வாழ்க்கை என்பது வரையறுக்கப்பட்டது. அன்பு மட்டுமே பல மைல்கள் கடந்து பயணிக்கும்.

7. பொருட்களை, செல்வங்களை தொலைத்து விட்டால் திரும்ப கண்டுபிடித்து விடலாம். ஒன்றே ஒன்றை மட்டும் தொலைத்து விட்டால் மீண்டும் அதை கண்டுபிடிக்கவே முடியாது அந்த ஒன்று தான் வாழ்க்கை.

சோர்ந்து போகாதீர்

என்னை நானே யாரென்று
புரிய எனக்கு தேவைப்படும்
ஓர் ஆயுதம் தான் அவமானம்!
இது உண்மை என்பது போல்,
அனைவரின் வாழ்விலும் ஏதாவது ஒரு சம்பவம் நடந்திருக்கும்.

அவமானங்கள் தான், நம்மை திசைமாறச் செய்கின்றன. அப்படி மாறுகிற திசை சரியாக அமைய வேண்டும். அதில் தான் நாம் கவனமாக இருக்க வேண்டும். அப்படியே அந்தஅவமானத்தில் கூனிக் குறுகி நின்று விடக் கூடாது.

வெற்றியாளர்களின் ஆரம்ப கட்ட அடிதளமே, ஏதாவது ஒரு அவமானத்தில் தான் ஆரம்பித்து இருக்கும். அவர்கள் உயருவதற்கான படிக்கட்டுகளில் இந்த அவமானத்திற்கும், ஓர் இடம் இருந்திருக்கும்.
நம்மை அவமானப்படுத்து வோரை பார்த்து பாதிப்படையக் கூடாது; அவர்களுக்கு நன்றிதான் சொல்ல வேண்டும்.

அவமானம் என்பது தோல்வி என எடுத்துக் கொள்ளக் கூடாது. இது இழிவும் அல்ல; ஒரு பாடம். நம் வாழ்க்கையில் வெற்றிகளுக்கு மட்டுமல்ல; தோல்விகளுக்கும், இந்த மாதிரி அவமானங்களுக்கும் இடம் உண்டு. உங்களை உருவாக்குவதில் அந்த அவமானங்களுக்கு இடமில்லை என்று நினைக்காதீர்கள். ஏற்பட்ட அவமானங்களுக்காக குமைந்து கொண்டிருக்காதீர்கள்.

நம் வாழ்வில் தவறுகள் என்கிற காற்று அடிக்கும்போது, அவமானம் போன்ற புழுதிகள் கிளம்பத் தான் செய்யும்.
நாம் வாழ்க்கையில், மற்றவர்களை விட ஏதாவது ஒரு காரியத்தில் வேறுபட்டு சாதிக்க வேண்டுமெனில், பல அவமானங்களை சந்தித்து தான் ஆகவேண்டும்.

நம் மீது குப்பையையும், சாணத்தையும் கொட்டுகின்றனரே என்று, செடி ஒருநாளும் நம்மைப் போல் ஆதங்கப்படுவதில்லை; அழுது ஆர்ப்பாட்டம் செய்வதில்லை. அந்த குப்பையை தனக்கான உயிர்ச்சத்தாக எடுத்துக் கொண்டு, பூக்களை, காய், கனிகளை தருவதில்லையா! நாம் அந்த செடியை போல இருக்க வேண்டும். மற்றவர்களின் ஏளனங்களையும், அவமானங்களையும் உரமாக ஏற்று, வெற்றி நோக்கி செல்ல வேண்டும்.

உங்களுடைய குறைகளை சொல்லி மற்றவர்கள் இன்று அவமதித்தாலும், நாளை உங்கள் வெற்றியை பார்த்து பூரிப்படைந்து, நல்ல வாழ்த்தையும் அவர்களே சொல்வர்! ஆனால், ஒன்றை மட்டும் நினைவில் வைத்துக் கொள்ளுங்கள்… ‘நம்மை இவ்வளவு அவமானப்
படுத்துகின்றனரே…’ என்று மட்டும் சோர்ந்து உட்கார்ந்து விடாதீர்கள்.

சோர்ந்து போகாதீர்
அப்படி ஒவ்வொரு துறையிலும் அவமானப்பட்டவர்கள் உட்கார்ந்து விட்டால், சமுதாயத்தில் வெற்றியாளர்களே உருவாக முடியாது; இப்போது இருக்கும் வெற்றி
யாளர்களும் உருவாகியிருக்க மாட்டார்கள்.
எல்லாவற்றிலும் முதல் முயற்சியில் வெற்றி கிடைக்கும் என, எதிர்பார்ப்பது எவ்வளவு முட்டாள்தனமோ, அதைவிட பெரிய முட்டாள்தனம், ஒரு அவமானத்தை கண்டு சோர்ந்து போய், அந்த காரியத்திலிருந்து விலகிவிடுவது.

மனித இனத்தை தவிர, மற்ற ஜீவராசிகள் எதையும் அவமானமாக எடுத்துக் கொள்வதில்லை. மனிதன் தான் ஒரு விஷயத்தில் அவமானப்பட்டால் துவள்வதும், அந்த வேலையே வேண்டாமென ஓடிப் போவதை வழக்கப்படுத்திக் கொள்கிறான்.

ஆகவே, அவமானப்படுவது ஒன்றும் பெரிய தப்பில்லை.

இப்போது சொன்ன விஷயங்கள் அனைத்துமே, நல்ல விஷயங்களுக்கு மட்டுமே… வேறு மாதிரியான காரியங்களுக்கு, நான் பொறுப்பல்ல!

மனித நேயம்

நீ வாழுகிற
இந்த வாழ்க்கையில் ...
நீ வாழ்ந்து கொண்டு இருக்கும்
இந்த நாள் ,
இனி எந்த நாளும் கிடைக்காது .
ஆதலால் ...
இந்த நாளை
இதுவரை எந்நாளும்
அனுபவிக்காதவண்ணம் அனுபவி ...


தனக்கென்ற போதும்-அதுவே
பிறர்க்கென்று வந்த போதும்...
இரண்டையும் ஒன்றாய் நினைத்து,
துடிக்கின்ற மனமும்,
கண்ணீர் வடிக்கின்ற கண்களும்,
இருக்கின்ற வரை..
நிலத்தில் தழைத்து நிற்கும்,
மாண்போடு மனித நேயம்!!!


இனி காந்தி என்றும்
கார்ல் மார்க்ஸ் என்றும்
யாரும்
பிறக்கப்போவதில்லை
மிச்சம் இருக்கும்
நீயும் நானும்தான்
எதாவது
செய்தாக வேண்டும் .

வெற்றி பெற்ற மனிதர்கள் கடைப்பிடிப்பவை

வெற்றி பெற்ற மனிதர்களிடம் ஒரு அமைதியைக் காணலாம். அவர்களின் பேச்சில் ஒர் தெளிவை பார்க்கலாம். முக்கியமாக அவர்கள் தேவையற்றதை பேசவோ அல்லது செய்யவோ மாட்டார்கள்.

............வெற்றி பெற்ற மனிதர்கள் கடைப்பிடிப்பவை..............

‪#‎தங்கள்‬ சுயமதிப்பை உணர்ந்தவர்களாக இருப்பார்கள். தங்கள் இலக்கில் தெளிவு கொண்டு இயங்கிக் கொண்டிருப்பார்கள். இருந்தாலும் எந்திரத்தனமாக செயல்பட மாட்டார்கள்.

‪#‎மற்றவர்களுடன்‬ ஒப்பிட்டு பார்க்க மாட்டார்கள். மற்றவர்கள் என்ன செய்கிறார்கள் என்ன நினைப்பார்கள் என்று யோசித்து தனது செயல்பாடுகளை முடக்கிக் கொள்ள மாட்டார்கள்.

‪#‎எந்த‬ ஒன்றுடனும் பலப்பரிட்சை நடத்தி போராடிக் கொண்டிருக்க மாட்டார்கள். ஒரு விஷயத்தை தீவிரமாக போராடிக் கொண்டிருப்பது மற்றவரை பாதிக்கும் என்பது அவர்கள் அறிந்த ரகசியம் ஒவ்வொன்றிற்கும் அவசியமான அளவு முக்கியத்துவம் கொடுப்பார்கள்.

‪#‎குறை‬ காணும் பண்பை கொண்டிருக்க மாட்டார்கள். நேர்த்தியை மட்டுமே எதிர்பார்த்தால் குறைகளும், தோல்விகளும் பெருகும் என்பது அவர்கள் அறிந்ததே. குறைகளின் பின்னால் ஒடினால் வெற்றியை இழக்க நேரிடும் என்பதையும் உணர்ந்தவர்களாக செயல்படுவார்கள்

‪#‎நடந்ததை‬ எண்ணி வருத்தப்பட்டு கொண்டிருக்க மாட்டார்கள். அதே பிரச்சனையில் மூழ்கியிருக்க மாட்டார்கள்.

‪#‎எதிர்மறை‬ மனிதர்களுடன் சூழ்ந்திருக்க மாட்டார்கள் நல்ல பண்புடையவர்களை நாடிச் செல்வார்கள். நல்ல விஷயங்களை தேடிச் சேகரிப்பார்கள்.

‪#‎மனதுக்கு‬ இறுக்கம் தரும் போராட்டம் தரும் விஷயங்களை அனுமதிக்க மாட்டார்கள். அழுத்தத்தை மனதில் வைத்திருப்பது கோபம், விரோதம், பகை, அழிவு என ஏராளமான விளைவுகளை உண்டு பண்ணும் என்பதை அவர்கள் அறிந்திருப்பார்கள்.

‪#‎மகிழ்ச்சியில்‬ திளைத்திருக்க மாட்டார்கள். அதற்காக மகிழ்ச்சியை தடை செய்து வாழ மாட்டார்கள்

‪#‎பிறரின்‬ தவறுகளை எளிதாக மன்னித்து விடுவார்கள். ஆனால் எதையும் மறந்து விடுவதில்லை.

வாழ்க்கை

போராட்டம் இல்லாத வாழ்க்கை உப்பில்லாத உணவு போன்றது. அதில் சுவை இருக்காது! என்றார் உலக உத்தமர் ஏ.பி.ஜெ. அப்துல்கலாம். போராட்டம் என்பதை இரண்டு வகையாகப் பிரிக்கலாம். ஒன்று அகப்போராட்டம் இன்னொன்று புறப்போராட்டம்.
அகப்போராட்டம் என்பது நமது ஆக்க சிந்தனைகளுக்கும் எதிர்மறை சிந்தனைகளுக்கும் இடையே நொடிகள் தோறும் நடப்பெறும் போராட்டத்தை குறிக்கும். அதிகாலை எழுந்து உழைஅகிலம் உனக்கு! என்று சிந்தனை நம்மை எழுப்ப முயலும் போது, எல்லம் விதிபோல்தான் நடக்கும் படுத்து உறங்கு!" என்று எதிர்மறை எண்ணம் இழுத்து மூடும்!
இதுபோலத்தான், ஒவ்வொன்றும் நிகழ்கின்றது. ஆதாவது முயற்சி செய்! முடியாது உலகில் இல்லை! என்று ஆக்க எண்ணங்கள் உத்வேக சிறகுகளைக் கொடுக்கும்போது, எதிர்மறை எண்ணம் வேண்டாம். சும்மா இருப்பதே சுகம் என்று சோம்பல் விலங்குகளை எடுத்து நமது கைகளில் மாட்டும். மதித்து நட, உயர்வுக்கு உழைப்பு மட்டும் போதாது, மற்றவர்கள் ஒத்துழைப்பும் வேண்டும்! பணிதான் உன்னை உயர வைக்கும் என்று ஆக்க சிந்தனை அறிவுறுத்தும் போது; நீ தான் சிறந்தவன் மற்றவன் எல்லாம் மடையன்&' என்று அகந்தை நெருப்பை பற்ற வைத்து தலையில் கனத்தை ஏற்றும்! எதிர்மறை எண்ணம்.

ஆகவே, அகப்போராட்டத்தில், ஆக்க சிந்தனைகளை மட்டுமே வெல்ல வைக்கும் வைராக்கத்தை வளர்த்துக் கொள்ள வேண்டும். அகப்போராட்டத்தில் வெற்றி பெற்றால், வெளியில் எதிர்வரும் எந்த சவாலுக்கும் சவால்விட்டு வெற்றி வாகை சூட்ட முடியும்.

அகப்போராட்டத்தில் வெற்றி பெறுவதற்கு சில யோசனைகள்:

1. உங்களால் முடியும் என்று முதலில் நம்புங்கள். ஏனென்றால் நம்பிக்கைதான் வாழ்க்கை.

2. ஒவ்வொரு வேலையையும் ஒத்திப் போடாமல், சாக்குப் போக்குச் சொல்லாமல் உடனுக்குடன் செய்யும் பழக்கத்தை வளர்த்துக் கொள்ளுங்கள். ஏனென்றால் காரணங்கள் சொல்பவர்கள் காரியங்கள் செய்வதில்லை. காரியங்களைச் செய்பவர்கள் காரணங்களை சொல்வதில்லை.

3. செய்ய வேண்டிய பணிகளைப் பட்டியலிட்டு செய்து முடிப்பதுடன், அவற்றை முடித்ததும் உங்களை நீங்களே பாராட்டி ஊக்கப்படுத்திக் கொள்ளுங்கள்! ஏனென்றால், சுயஊக்குவிப்பே சிறந்த பாராட்டு.

4.மனம் தளர்கின்றபோது, இதுவரையில் நீங்கள் பெற்ற வெற்றிகளை அடைப்போடுங்கள். ஏனென்றால் வெற்றுமனமாக இருப்பதைவிட வெற்றி மனத்தோடு இருப்பதே சிறந்தது.

5.உங்கள் முயற்சிச் சிறகுகளை வெட்டி வீழ்த்தும் முட்டாள்களிடமிருந்து விலகியே இருங்கள்.

6.வெற்றி என்பது எனது பிறப்புரிமை என்று மனதுக்குள்ளாக முழங்கிக் கொண்டே சவால்களுக்குச் சவால் விடுங்கள்.

தமிழ்

# “இலக்கியம் வாழ்வின் கண்ணாடி என்றும் காலத்தைக் காட்டும் கண்ணாடி என்றும்” எதனைக் கூறுவர் – சங்க இலக்கியம்.

# 99 வகை மலர்களின் வருணை அமைந்து வரும் பாடல் – மலைபடும்கடாம்

# பதினெண் கீழ்க்கணக்கில் உள்ள அறநூல்களின் எண்ணிக்கை – 11

# ”முடி பொருள் தொடர்நிலைச் செய்யுள்” என்று அழைக்கப்படுவது – சீவக சிந்தாமணி

# வேளாண் வேதம் என அழைக்கப்படும் நூல் – நாலடியார்

# உத்திரவேதம் என அழைக்கப்படும் நூல் – திருக்குறள்

# திருக்குறளில் தனமனிதனது வாழ்வின் மேன்மையைக் குறிக்கும் பகுதி – அறத்துப்பால்

# காலந்தோறும் தமிழ் சங்க காலத் தமிழ், பல்லவர் காலத் தமிழ் என வழங்கப்படுகிறது.

# மூவேந்தர்களின் சங்கம் வைத்துத் தமிழ் வளர்த்தோர் – பாண்டியர்

# தொல்காப்பியம் பொருளாதிகாரம் எதற்கு இலக்கணம் கூறுகிறது – அகத்திணை, புறத்திணை.

# தொல்காப்பியம் – முழுமையாகக் கிடைத்த எழுத்து சொல்பொருள் நூல்.

# தினையியல், களவியல், கற்பியல் பொருளியல் ஆகிய நான்கும் உரைப்பது – அகப்பொருள்.

# பூதத்தாழ்வார் பிறந்த இடம் – காஞ்சிபுரம்

# நம்மாழ்வாரின் சீடராகக் கருதப்படுபவர் – திருப்புளி ஆழ்வார்.

# சுந்தரர் பிறந்த ஊர் – திருமுனைப்பாடி

# சுந்தரரின் இயற்பெயர் – நம்பி ஆரூரர்

# ”வையம் தகளியாக, வார்கடலே நெய்யாக” என்று முதல் திருவந்தாதியைப் பாடியவர் – பொய்கையாழ்வார்.

# தமிழ்மாறன் என்று அழைக்கப்படுபவர் – நம்மாழ்வார்

# புறப்பொருளுக்கு இலக்கணம் உரைக்கும் நூல் – புறப்பொருள் வெண்பாமாலை

# தமிழில் வேர்ச்சொல் ஆராய்ச்சியில் மிகவும் புகழ் பெற்றவர் – தேவநேயப் பாவாணர்

# இடைச்சங்கத்தின் கால எல்லை – 3700 ஆண்டுகள்

# இடைச்சங்கம் இருந்த இடம் – கபாடபுரம்

# அறிவுடை நம்பியைப் பாடியவர் – பிசிராந்ததையார் பாண்டியன

# தலைமுடி நரைக்காததற்கு விளக்கம் தந்தவர் – பிசிராந்தையார்

# சோழ மன்னனின் உள்ளம் கவர்ந்த நண்பர் – பிசிராந்ததையார்

# காரைக்கால் அம்மையார் அந்தாதித் தொடையில் பாடியுள்ள பாடல்கள் – அற்புதத் திருவந்தாதி, திருவிரட்டை மணி மாலை

# காரைக்கால் அம்மையாரின் பாடல்கள் சேர்க்கப்பட்டுள்ள திருமுறை – பதினோராம் திருமுறை

# பண்பட்ட திராவிட மொழிகளில் தொன்மையானது – தமிழ்

# பத்துப்பாட்டு நூலில் மிகவும் பெரிய நூல் – மதுரைக் காஞ்சி

# பொருநராற்றுப்படையைப் பாடியவர் – முடத்தாமக் கண்ணியார்.

# மலைபடுகடாம் என்னும் இலக்கியம் – கூத்தாற்றுப்படை

# முல்லைப்பாட்டைப் பாடியவர் – நப்பூதனார்.

# தமிழ் நிலைபெற்ற மதுரை எனக்கூறும் நூல் – சிறுபாணாற்றுப்படை

# உலா நூல்களுள் மிகப் பழமையைனது – திருக்கைலாய ஞான உலா

# தூது இலக்கியத்திற்குரிய யாப்பு – கலிவெண்பா