இளங்கோவடிகள் பெயரில் புதிய விருது

இளங்கோவடிகள் பெயரில் புதிய விருது: சட்டப்பேரவையில் முதல்வர் அறிவிப்பு
நடப்பாண்டு முதல், இளங்கோவடிகளின் நடையையொட்டி புதிய காப்பியம் படைப்பவருக்கோ அல்லது சிலப்பதிகாரத்தின் புகழ் பரப்புபவருக்கோ ஆண்டுதோறும் இளங்கோவடிகள் பெயரில் புதிய விருது வழங்கப்படும்.
தமிழ்நாட்டில் தமிழ் வளர்ச்சிக்காக அரும்பாடுபடும் ஆர்வலர்களைக் கண்டறிந்து, அவர்களின் தமிழ்த் தொண்டினைப் பெருமைப்படுத்தி, ஊக்கப்படுத்தும் வகையில் "தமிழ்ச் செம்மல்" என்ற விருது ஏற்படுத்தப்படும் என சட்டப்பேரவையில் முதல்வர் ஜெயலலிதா அறிவித்துள்ளார்.
இது தொடர்பாக சட்டப்பேரவையில் விதி 110-ன் கீழ் அறிக்கை வாசித்த அவர்: "தமிழ் மொழிக்கு பெருமை சேர்ப்பதிலும், தமிழ் மொழிக்கு பெருமை சேர்த்தவர்களை கௌரவிப்பதிலும், சிறப்பிப்பதிலும் தமிழக அரசு முனைப்புடன் செயல்பட்டு வருகிறது. கடந்த மூன்று ஆண்டுகளில், தமிழ் வளர்த்த சான்றோர்களான கம்பர், கபிலர், உ.வே. சுவாமிநாத அய்யர், உமறுப் புலவர், ஜி.யு. போப் ஆகியோர் பெயரில் புதிய விருதுகள் ஏற்படுத்தப்பட்டன. இது தவிர, சொல்லின் செல்வர் விருது, கணினித் தமிழ் விருது மற்றும் தமிழ்த் தாய் விருது ஆகிய விருதுகளும் ஏற்படுத்தப்பட்டு, தமிழ் மொழியின் சிறப்புக்கு மேலும் சிறப்பு சேர்த்தது தமிழக அரசு.
"யாமறிந்த புலவரிலே கம்பனைப் போல், வள்ளுவர் போல், இளங்கோவைப் போல் பூமிதனில் யாங்கணுமே பிறந்ததில்லை"" என்று கம்பரையும், வள்ளுவரையும், இளங்கோவடிகளையும் போற்றிப் பாடினார் மகாகவி பாரதியார்.
இவர்களில், உலகப் பொது மறையாம் திருக்குறளை படைத்த தெய்வப் புலவர் திருவள்ளுவர் பெயரில் முன்னாள் முதலமைச்சர் புரட்சித் தலைவர் எம்.ஜி.ஆர். அவர்களால் விருது அறிவிக்கப்பட்டு வழங்கப்பட்டு வருகிறது. கம்பர் பெயரில் கடந்த ஆண்டு விருது அறிவிக்கப்பட்டது. நடப்பாண்டு முதல், நெஞ்சை அள்ளும் "சிலப்பதிகாரம்" என்று போற்றப்படும் காலத்தை வென்ற காப்பியத்தைத் தந்த இளங்கோவடிகள் பெயரில் புதிய விருது வழங்கப்படும் என்பதை மகிழ்ச்சியுடன் தெரிவித்துக் கொள்கிறேன்.
இளங்கோவடிகளின் நடையையொட்டி புதிய காப்பியம் படைப்பவருக்கோ அல்லது சிலப்பதிகாரத்தின் புகழ் பரப்புபவருக்கோ ஆண்டுதோறும் சித்திரைத் திங்கள் தமிழ்ப் புத்தாண்டு தினத்தன்று இவ்விருது வழங்கப்படும். இளங்கோவடிகள் விருது பெறுபவருக்கு ஒரு லட்சம் ரூபாய் பரிசுத் தொகையும், ஒரு சவரன் தங்கப் பதக்கமும், தகுதியுரையும் வழங்கப்படும்.
இதே போன்று, தமிழ்நாட்டில் தமிழ் வளர்ச்சிக்காக அரும்பாடுபடும் ஆர்வலர்களைக் கண்டறிந்து, அவர்களின் தமிழ்த் தொண்டினைப் பெருமைப்படுத்தி, ஊக்கப்படுத்தும் வகையில் "தமிழ்ச் செம்மல்" என்ற விருது ஏற்படுத்தப்படும் என்பதை மகிழ்ச்சியுடன் தெரிவித்துக் கொள்கிறேன். விருது பெறுபவருக்கு 25,000 ரூபாய் பரிசுத் தொகையும், தகுதியுரையும் வழங்கப்படும். இவ்விருது, மாவட்டத்திற்கு ஒருவர் வீதம் 32 பேருக்கு வழங்கப்படும்.
மேலும், சங்கம் வைத்து தமிழ் வளர்த்த மதுரையில் 1981 ஆம் ஆண்டு நடைபெற்ற ஐந்தாம் உலகத் தமிழ் மாநாட்டில் கலந்து கொண்ட உலகத் தமிழறிஞர்களின் கோரிக்கையினை ஏற்று முன்னாள் முதலமைச்சர், இதயதெய்வம் புரட்சித் தலைவர் எம்ஜிஆர் அவர்களால் தஞ்சாவூரில் தோற்றுவிக்கப்பட்ட தமிழ்ப் பல்கலைக்கழகத்தில் பெருகி வரும் மாணவர்களின் நலன்களைக் கருத்திற் கொண்டும், கட்டட வசதிகளின் தேவையைக் கருத்திற் கொண்டும், 15 கோடி ரூபாய் செலவில் இரண்டு புதிய கட்டடங்கள் கட்டப்படும் என்பதை மகிழ்ச்சியுடன் தெரிவித்துக் கொள்கிறேன்.
இவற்றிற்கெல்லாம் முத்தாய்ப்பாக, பழந்தமிழரின் சிறப்புக்களையெல்லாம் நாட்டுக்கு எடுத்துக் காட்டும் வகையில், சுடுமண் சிற்பம், சுதைச் சிற்பம் மற்றும் மரம், கல், உலோகம் ஆகியவற்றைக் கொண்டு படிமங்களாக வடிவமைத்த கலைப்பொருட்களைக் கொண்டு பழந்தமிழர் வாழ்வியல் காட்சிக் கூடம் 2 கோடியே 50 லட்சம் ரூபாய் செலவில் சென்னை, உலகத் தமிழ் ஆராய்ச்சி நிறுவனத்தில் அமைக்கப்படும் என்பதைத் தெரிவித்துக் கொள்கிறேன்.
தமிழக அரசின் இந்த நடவடிக்கைகள் தமிழ் மொழியை மேலும் வளர்க்கவும், தமிழ் ஆர்வலர்களை ஊக்குவிக்கவும், பழந்தமிழரின் வாழ்வியல் நெறிகள் குறித்து இன்றைய தலைமுறையினர் மட்டுமின்றி எதிர்கால தலைமுறையினரும், உலக மக்கள் அனைவரும் அறிந்துகொள்ளவும் வழி வகுக்கும் என்பதைத் தெரிவித்துக் கொண்டு அமைகிறேன்". இவ்வாறு முதல்வர் தெரிவித்தார்.

விதைத்த செயல்களை திரும்பிப் பாருங்கள்!

விதைத்த செயல்களை
திரும்பிப் பாருங்கள்!
சிதறிய செயல்களை
சீரமைக்க முயலுங்கள்!
இடையிடையே
முட்கள் முளைத்திருந்தால்
முதலில் அதை நீக்குங்கள்!
உங்களுடைய செயல்களே உங்கள் வெற்றியைத் தீர்மானிக்கும் ஆற்றல் மிக்கவை. செயல்கள் தனித்தன்மை உடையதாயின் வெற்றியின் விளைச்சல் விரைவில் கிடைக்கின்றது. அதனால், உங்களுக்கு மன நிறைவும் மகிழ்ச்சியும் ஏற்படுகின்றது. அவ்வாறு ஏற்படும் மன நிறைவும் மகிழ்ச்சியும் தொடர்ந்து செயல்படுவதற்கு உரமாகவும் ஊக்கமாகவும் அமைந்து மென்மேலும் உங்களை உற்சாகப்படுத்துகின்றது.
மேலும், செய்கின்ற செயல்களில் ஏற்படுகின்ற சிறுசிறு குறைகளும் உள்களது வெற்றிக்கு தடை கல்லாக அமையக்கூடும். ஆகவே, அத்தகைய தடைகளை படிகளாக மாற்றுவதற்கு உங்களுடைய செயல்களை நீங்களே திரும்பிப் பார்த்து ஆய்வு செய்ய வேண்டும்.
அதாவது உங்களுடைய செயல்களை மற்றவர்கள் ஆய்வு செய்து குறை கூறுவதை நீங்கள் தவிர்க்க விரும்பினால், உங்களால் செய்து முடிக்கப்பட்ட செயல்களை நீங்களே ஆய்வு செய்து கொள்ளுங்கள். இதைத்தான் சுய ஆய்வு என்கிறார்கள்.
ஆய்வின் அவசியம்
எந்த செயலையும் விருப்பு வெறுப்பற்ற சம மனநிலையில் ஆய்வு செய்து பார்க்க வேண்டும். ஒருவரின் உடலை மருத்துவர் ஆய்வு செய்து அவருக்குள்ள நிறைகளையும் குறைகளையும் சொல்கின்றார். மேலும் நோயாளிக்கு உள்ள குறைகளைப் போக்கிக் கொள்ள தேவையான மருந்துகளையும் உடற்பயிற்சி முறைகளையும் மருத்துவர் சிபாரிசு செய்கின்றார்.
அதுபோலவே, மண்ணியியல் நிபுணரும் வயலில் உள்ள மண்ணை எடுத்து விஞ்ஞான ரீதியில் ஆய்வு செய்து, அதிலே உள்ள சத்துக்களைப்பற்றியும், அந்த மண்ணில் என்னென்ன பயிர்களை வளர்க்கலாம், மேலும் நாம் வளர்க்கும் பயிருக்கு தேவையான சத்துக்கள் இருக்கின்றதா? அவ்வாறு தேவையான சத்துக்கள் இல்லை எனில் அவற்றை எவ்வாறு உரமாக கொடுப்பது என்றும் சிபாரிசு செய்கின்றார்.
ஆகவே, ஒன்றை ஆய்வு செய்வதன் நோக்கம் அதிலுள்ள குறை நிறைகளை அறிந்து அதற்கேற்ப நமது செயல்களை மாற்றி, ஏற்புடையவாறு அமைத்துக் கொள்வதாகும். ஆய்வு செய்து குறைகளைக் கண்டுபிடித்து விமர்சனம் செய்வதற்கு அல்ல. அந்தக் குறைகளை நிறைகளாக மாற்றுவதற்கே என்பதையும் நினைவில் கொள்ளுங்கள்.
நிறைகளை முதலீடு செய்யுங்கள்
உங்களுக்கு உள்ள நிறைகளையும் (Strength) திறமைகளையும் (Skills) செயல்களில் முதலீடு செய்யுங்கள். அப்பொழுதுதான். அவை வெற்றியாக உருவெடுக்கும். அவ்வாறு இல்லாமல் எனக்கு அந்தத் திறமை இருக்கின்றது. இந்தத் திறமை இருக்கின்றது எனக்கூறி கொண்டு இருப்பதால் எந்தப்பயனும் இல்லை என்பதையும் புரிந்து கொள்ளுங்கள்.
ஒரு விவசாயிடம் விதை நெல் இருக்கின்றது, அதை விதைத்து பயிர் செய்வதற்கு ஏற்ற நிலமும் சூழலும் இருக்கின்றது. ஆனால் அவர் அந்த விதை நெல்லை, விதைத்து பயிர் செய்யாமல், எதிர்காலத்தில் மழை வராவிட்டால் என்ன செய்வது? கிணற்றில் உள்ள நீர் வற்றிவிட்டால் என்ன செய்வது? பூச்சிகள் பயிரைத் தாக்கினால் என்ன செய்வது? எதிர்காலத்தில் அறுவடை செய்த மகசூலுக்கு நல்ல விலை கிடைக்கா விட்டால் என்ன செய்வது? என்றெல்லாம் யோசித்துக் கொண்டு வெறுமனே இருந்தால் வெற்றி கிடைக்குமா? அல்லது காலம்தான் காத்திருக்குமா? கொஞ்சம் எண்ணிப் பார்ங்கள்.
படுத்துக் கிடப்பவனுக்கு
பகல்கூட இரவுதான்!
எழுந்து நடப்பவனுக்கு
திரும்பும் திசையெல்லாம் கிழக்கு தான்!
நம்புங்கள்! உங்களால் சாதிக்க முடியும். அத்தோடு உங்களுக்கு உள்ள திறமைகளை தொடர்ந்து பயன்படுத்தினால்தான் அவை மென்மேலும் வளரும்.
அனுபவ முத்திரைகள்
வெற்றியடையும் வரை உங்களுடைய பணிகளை தொடர்ந்து இடைவிடாமல் செய்து கொண்டே இருங்கள். ஒவ்வொரு முயற்சியின் போதும் நீங்கள் கற்றுக் கொள்ளும் புதிய பாடங்களின் அடிப்படையில் புதிய முயற்சிகளை மேற்கொள்ளுங்கள்.
வாழ்க்கைப் பாதையெங்கும் மலர்களின் வரவேற்பை மட்டுமே எதிர்பார்க்க முடியாது. சில நேரங்களில் முட்களில் முகங்களும் உங்கள் மீது மோதக்கூடும். அதுபோன்ற சூழ்நிலைகளில் தன்னிலை இழக்காமல் நிதானமாகச் சிந்தித்துத் தெளிவுடன் செயல்படுங்கள். அப்பொழுதுதான் தொடர்ந்து உங்களால் வெற்றியடைய முடியும்.
மனதில் உறுதி
எதையும் மன உறுதியோடு எதிர் கொள்ளுங்கள். எதை இழந்தாலும் மன உறுதியை மட்டும் இழந்துவிடாதீர்கள். மனவலிமையே வெற்றிக்கு அடிப்படை என்பதை நினைவில் கொள்ளுங்கள்.
தோல்வி நேர்ந்து விட்டாலோ, இழப்பு ஏற்பட்டு விட்டாலோ, கவலையில் மூழ்கி விடாதீர்கள். சிலர் இதுபோன்ற சூழ்நிலைகளில் தங்களுடைய கற்பனைக்கு எட்டிய வரையில், ” இப்படி நேர்ந்து இருந்தால் என்ன ஆகியிருக்கும்” ” அப்படி நேர்த்திருந்தால் என்ன செய்வது” என எல்லை இல்லாமல் கவலைப் படத் தொடங்கி விடுவார்கள்.
உதாரணமாக ஒரு விபத்து ஏற்பட்டு. அதில் இடது காலில் லேசாக எலும்பு முறிவு ஏற்பட்டு விட்டது என்றால், விபத்தில் இருகால்களும் துண்டாகி இருந்தால் என்னவாகியிருக்கும். தலை பிளந்திருந்தால் என்னவாகியிருக்கும். தலை பிளந்திருந்தால் என்னவாகியிருக்கும் என்று விபரீதமாக சிந்திக்கவும், அதைப் பற்றி பெரும் கவலை அடையவும் தொடங்கி விடுவார்கள். இது போன்று சிந்திப்பதால் மனம் மேலும் பலவீனம் அடையுமே தவிர உறுதி அடையாதது.
புதிய பாடங்களைக் கற்றுக் கொள்ளுங்கள்
உங்கள் ஒவ்வொரு செயலையும், வாழ்வின் ஒவ்வொரு நிகழ்வுகளையும் திரும்பிப் பார்க்கும் போது, புதிய பாடங்களைக் கற்றுக் கொள்ளத் தவறி விடாதீர்கள். புதிய பாடங்களே வாழ்விற்கு வளர்ச்சியைக் கொடுக்கும் மூல மந்திரங்கள்.
கற்ற பாடங்களை வாழ்க்கையில் முழுமையாகப் பயன்படுத்துங்கள். ஒவ்வொரு முறை புதிய கருத்துக்களை பயன்படுத்தும் போது ஏற்படும் விளைவுகளைக் கண்காணித்து. அதற்குத் தகுந்தாற்போல செயலாக்கத்தை மாற்றி அமைத்துக்கொண்டு முன்னேறுங்கள். ஏனென்றால் முன்னேற்றமே வாழ்வின் மூச்சுறுக்காற்று.

ஆப்ரகாம் லிங்கன் 1860 ஆம் ஆண்டும், ஜான் கென்னடி 1960

தற்செயலாக நடப்பது போல் இருக்கும் சில சம்பவங்களைப் பின் யோசித்துப் பார்த்தால் அது தற்செயல் தானா என்கிற சந்தேகம் நமக்கு வந்து விடும். அறிவியல் அல்லது பகுத்தறிவு விதிகளுக்குப் பொருந்தாதவையாக அவை தோன்றினாலும் கூட நம் அறிவுக்கெட்டாத ஏதோ ஒரு ’விதி’ அந்த நிகழ்வுகளை சீரான முறையில் இயக்கி இருப்பது போல தோன்றும். அப்படிப்பட்ட சில ஆதாரபூர்வமான நிகழ்வுகளை இங்கு பார்ப்போமா?

முதலில் இரண்டு அமெரிக்க ஜனாதிபதிகள் விஷயத்தில் இருந்த மாபெரும் ஒற்றுமைகளைப் பார்ப்போம்-

1. ஆப்ரகாம் லிங்கன் 1860 ஆம் ஆண்டும், ஜான் கென்னடி 1960 ஆம் ஆண்டும் அமெரிக்க ஜானாதிபதியானார்கள். சரியாக நூறு வருட இடைவெளி.

2. இருவரும் வெள்ளிக்கிழமை அன்று, தத்தம் மனைவிகளின் அருகில் இருக்கும் போது சுட்டுக் கொல்லப்பட்டார்கள்.

3. இருவர் மனைவிகளும் வெள்ளை மாளிகையில் வாழும் போது பிள்ளை பெற்றனர். பிறந்தவுடன் குழந்தை இறந்தும் போனது.

4. இருவரும் தலையின் பின்பகுதியில் குண்டு துளைத்துச் செத்தார்கள்.

5. இருவரும் இறந்த பின் ஜான்சன் என்ற பெயருள்ளவர்கள் உடனே ஜனாதிபதியாகப் பதவி ஏற்றார்கள். (ஆண்ட்ரூ ஜான்சன், லிண்டன் ஜான்சன்)

6. ஆண்ட்ரூ ஜான்சன் பிறந்தது 1808. லிண்டன் ஜான்சன் பிறந்தது 1908. சரியாக அதே நூறு வருட இடைவெளி.

7. இருவரையும் கொன்றவர்கள் பிறந்த வருடங்கள் கூட நூறு வருட இடைவெளிகள். ஜான் வில்க்ஸ் பூத் பிறந்தது 1839. லீ ஹார்வி ஆஸ்வால்டு 1939.

8. இரு கொலைகாரர்களும் பிடிபட்டு வழக்குத் தொடுப்பதற்கு முன் சுட்டுக் கொல்லப்பட்டார்கள்.

9. பூத் லிங்கனை ஒரு தியேட்டரில் கொன்று விட்டு ஒரு கிடங்குக்கு ஓடினான். ஆஸ்வால்டு ஒரு கிடங்கிலிருந்து கொன்று விட்டு தியேட்டர் நோக்கி ஓடினான்.

10. லிங்கனின் செயலாளரின் முன் பெயர் ஜான். ஜான் கென்னடியின் செயலாளரின் பின் பெயர் லிங்கன்.

இன்னொரு சம்பவம் Life பத்திரிக்கையில் வெளியான உண்மை சம்பவம். இதனை வாரன் வீவர் என்ற கணித அறிஞர் தன் புத்தகம் ஒன்றிலும் குறிப்பிடுகிறார். அமெரிக்காவில் நெப்ராஸ்கா என்ற மாநிலத்தில் உள்ள Beatrice என்ற சிறிய நகரில் உள்ள ஒரு சர்ச்சில் 1950 ஆம் ஆண்டு மார்ச் மாதம் ஒன்றாம் தேதி 15 பாடகர்கள் சேர்ந்து கூட்டாக சரியாக காலை 07.20 மணிக்குப் பாடுவதாக இருந்தது. ஆனால் அத்தனை பேரும் வேறு வேறு காரணங்களுக்கு சர்ச்சிற்கு வர அதிக தாமதமாகி விட்டது. ஒருத்தி ஒரு ரேடியோ நிகழ்ச்சியில் ஆழ்ந்து போய் கிளம்பத் தாமதமானது. இன்னொருத்தி கணிதப்பாடம் எழுதி முடித்துக் கிளம்பத் தாமதமானது. ஒருவருக்குக் காரை ஸ்டார்ட் செய்வதில் பிரச்சினை...இப்படி ஒவ்வொருவருக்கு ஒவ்வொரு காரணம். இவர்கள் சரியான நேரத்திற்குள் வந்து சேராததே இவர்களைக் காப்பாற்றியது என்பது தான் அதிசயச் செய்தி. காலை சரியாக 07.25 க்கு வெடிகுண்டு வெடித்ததில் சர்ச் தரை மட்டமாகியது.

1900 ஆம் ஆண்டு ஜூன் மாதத்தில் இத்தாலிய அரசர் உம்பர்டோ (King Umberto I) மோன்ஸா என்ற நகரில் ஒரு பெரிய ஓட்டலில் உணருந்தச் சென்ற போது அதிர்ச்சி அடைந்தார். காரணம் அந்த ஓட்டல் உரிமையாளர் அசப்பில் அவரைப் போலவே இருந்தது தான். அவரிடம் பேசிய போது மேலும் பல ஆச்சரியங்கள் அவருக்குக் காத்திருந்தன. அந்த ஓட்டல் உரிமையாளர் பெயரும் உம்பர்ட்டோ. இருவர் மனைவியர் பெயரும் மார்கரிட்டா. அந்த மன்னர் முடிசூட்டிய அதே நாளில் தான் அந்த ஓட்டல் உரிமையாளர் அந்த ஓட்டலைத் துவக்கினார். இருவர் பிறந்ததும் ஒரே நாள் 14-03-1844. ஆச்சரியத்தோடு அந்த ஓட்டல் அதிபருடன் பேசிக் கொண்டிருந்து விட்டு சென்ற மன்னர் ஒரு மாதம் கழித்து 29-07-1900 அன்று அந்த ஓட்டல் உரிமையாளர் ஒரு துப்பாக்கி சூட்டில் சற்று முன் தான் காலமானார் என்ற செய்தியைக் கேள்விப்பட்டார். சில மணி நேரங்களில் மன்னரும் ஒரு வன்முறைக் கும்பலால் கொல்லப்பட்டார்.

ஹென்றி சீக்லேண்ட் (Henry Ziegland) என்பவன் 1883 ஆம் ஆண்டு தன் காதலியுடனான உறவை முறித்துக் கொண்டான். அந்தக் காதலி மன உளைச்சலில் தற்கொலை செய்து கொள்ள அவளுடைய சகோதரர் கடும் கோபமடைந்து சீக்லேண்டைத் தேடிக் கண்டுபிடித்து சுட்டு தானும் தற்கொலை செய்து கொண்டான். ஆனால் அதிர்ஷ்டவசமாக சீக்லேண்ட் சாகவில்லை. அந்தத் துப்பாக்கிக் குண்டு முகத்தை உராய்சிக் கொண்டு சென்று அங்கிருந்த மரத்தில் சென்று பதிந்தது. சில வருடங்கள் கழித்து அந்தப் பெரிய மரத்தை வெட்டி விட சீக்லேண்ட் நினைத்தான். ஆனால் அதை அவ்வளவு சுலபமாக வெட்டி விட முடியவில்லை. எனவே டைனமைட் குச்சிகளை வைத்து மரத்தைப் பிளக்க நினைத்தான். அப்படிச் செய்கையில் அந்த மரம் சுக்கு நூறாகி வெடிக்கையில் அந்தக் குண்டு சீக்லேண்டின் தலையில் பாய்ந்து அந்த இடத்திலேயே சீக்லேண்ட் மரணம் அடைந்தான். பல வருடங்கள் கழித்தும் அந்தக் குண்டு பழி தீர்த்துக் கொண்டது போல அல்லவா இருக்கிறது. இந்த இரு சம்பவங்களும் ரிப்ளியின் நம்பினால் நம்புங்கள் என்ற புத்தகங்களில் விவரிக்கப்பட்டுள்ளன.

Ohioவில் பிறந்த இரட்டையர் வாழ்க்கையின் ஆச்சரியமான குறிப்புகள் 1980 ஜனவரி மாத ரீடர்ஸ் டைஜஸ்டில் வெளி வந்துள்ளன. இருவரும் பிறந்தவுடனேயே பிரிக்கப்பட்டு இருவேறு தொலைதூரக் குடும்பங்களுக்குத் தத்துத் தரப்பட்டனர். இருகுடும்பங்களும் ஒன்றிற்கு ஒன்று தெரியாமலேயே குழந்தைகளுக்கு ஜேம்ஸ் என்று பெயரிட்டனர். இருவரும் சட்ட அமலாக்கப் பிரிவில் வேலைக்கு அமர்த்தப்பட்டனர். இருவருக்குமே பல திறமைகள் ஒன்றாகவே இருந்தன. இருவரும் லிண்டா என்ற பெயருடைய பெண்களையே முதல் திருமணம் செய்து கொண்டனர். இருவருமே தங்கள் மகன்களுக்கு ஜேம்ஸ் ஆலன் என்ற பெயரையே இட்டனர். இங்கே சின்ன வித்தியாசம் சொல்ல வேண்டும் என்றால் ஒருவர் James Alan என்றும் இன்னொருவர் James Allan என்று ஒரு l எழுத்து சேர்த்தும் பெயர் வைத்தனர். இருவரும் முதல் மனைவியை விவாகரத்து செய்து இரண்டாம் திருமணம் செய்து கொண்டது பெட்டி (Betty) என்ற பெயருடைய பெண்களை. இருவரும் தங்கள் நாயிற்கு Toy என்ற பெயரையே வைத்திருந்தனர். நாற்பதாண்டு காலம் கழிந்து இணந்த அந்த இரட்டையர் தங்களை அறியாமல் தங்கள் வாழ்க்கைகளில் இருந்த ஒற்றுமையை எண்ணி அதிசயித்தனர்.

மேஜர் சம்மர்ஃபோர்டு என்ற இங்கிலாந்தைச் சேர்ந்த ராணுவ அதிகாரிக்கும் மின்னலுக்கும் இருந்த தொடர்பு ஆச்சரியமானது. அவர் முதல் உலகப்போர் சமயத்தில் குதிரையில் இருந்து போர் புரிந்து கொண்டிருந்த போது மின்னல் தாக்கி இடுப்பிற்கு கீழ் பக்கவாதத்தால் பாதிக்கப்பட்டார். பின் அவர் ஓரளவு குணமாகி கனடா நாட்டில் குடி பெயர்ந்தார். அங்கு ஆறாண்டு காலம் கழித்து மீன் பிடித்துக் கொண்டு இருந்த போது மறுபடியும் மின்னலால் தாக்கப்பட்டார். வலது பக்கம் பக்கவாதம் அவரைப் பாதித்தது. மறுபடி குணமடைந்த அவர் உள்ளூர் பூங்காவில் உலாவிக் கொண்டிருந்த போது மின்னலால் தாக்கப்பட்டு உடம்பு முழுவதும் செயல் இழந்தார். அது நடந்து இரண்டாண்டுகளில் மரணம் அடைந்தார். இறந்த பின்னும் அவரை மின்னல் விடுவதாக இல்லை. நான்காண்டுகள் கழிந்து அவருடைய கல்லறை மின்னலால் தாக்கப்பட்டு சிதிலமாகியது.

இந்த நிகழ்ச்சிகள் நம்மை ஆச்சரியப்பட வைக்கின்றன அல்லவா? இவற்றை எல்லாம் தற்செயல் என்று கண்டிப்பாக நாம் நினைத்து விட முடியாது. இந்த சம்பவங்களைப் படிக்கையில் அவற்றில் முன்பே தீர்மானிக்கப்பட்ட அல்லது விதிக்கப்பட்ட ஒரு அம்சம் இருக்கிறது என்றல்லவா தோன்றுகிறது. ஏன், எதற்கு என்பது விளங்கா விட்டாலும் கூட அந்த ஏதோ ஒரு ‘விதி’யை நம்மால் மறுக்க முடிவதில்லை அல்லவா?

Current Affairs

 1. திட்ட குழு துணை தலைவர் மான்டேக் சிங் அலுவாலியா மே 17, 2014 அன்று தனது பதவியிலிருந்து விலகினார்.

2. பவான் சாம்லிங் 5 வது முறையாக சிக்கிம் முதல்வராக பதவியேற்று சாதனை புரிந்துள்ளார்.

3. நவீன் பட்நாயக் ஒடிசா முதல்வரராக தொடர்ந்து நான்காவது முறையாக பதவியேற்றார்.

4. உலகிலேயே மிகவும் கவர்ச்சிகரமான நகரங்களின் வரிசையில் லண்டன் முதல் இடத்தில் உள்ளதாக சமீபத்திய ஆய்வு ஒன்று தெரிவிக்கிறது.நியூயார்க் நகர்ம் 2ம் இடத்திலும், சிங்கபூர் 3ம் இடத்திலும் இதையடுத்து டொராண்டோ மற்றும் சான் பிரான்சிஸ்கோ 4 இடத்திலும் உள்ளதாக அந்த ஆய்வு தெரிவிக்கிறது.

5. குஜராத்தின் புதிய முதல்வராக, அம்மாநில வருவாய்த் துறை அமைச்சர் ஆனந்தி பென் பட்டேல் தேர்வு செய்யப்பட்டார்.

இன்னும் சில தினங்களே V.A.O.

இன்னும் சில தினங்களே V.A.O. தேர்விற்கு இருக்கும் நிலையில் உங்களின் தயாரிப்புகளை மேம்படுத்தி திருப்புதல் செய்யும் நேரம் இது. சென்ற ஆண்டை காட்டிலும் இந்த ஆண்டு பாடத்திட்டம் முழுமையாக மாற்றி அமைக்க பட்டுள்ளது.இந்த முறை 4 பகுதிகளாக பாடத்திட்டம் உள்ளது.

1.மொழி பாடம்

2.பொது அறிவு

3.V.A.O.பணிகள்

4.அறிவு கூர்மை.

இந்த நான்கு பகுதிகளில் இருந்து 200 வினாக்கள் கேட்கப்படும்,இதில் நாம் 80%சரியான பதில்களை தந்தால் மட்டுமே வெற்றி உறுதியக்கப்படும்.எனவே உங்களின் தயாரிப்புகளை 4 பகுதிகளாக பகுத்து வைத்து கொள்ளவும்.இதில் V.A.O. பணிகள் பாட பகுதி புதியது.வினாக்கள் எப்படி அமையும் என கணிக்க இயலாது.இந்த பகுதியை முழுமையாக படித்து வைத்து கொள்வது நலம்.இந்த பகுதி மட்டும் 25 வினாக்களை கொண்டது.மேலும் மொழி பாடத்தில் புலமை இருந்தால் மட்டுமே நம்மால் இந்த தேர்வை வெல்ல முடியும்,ஏன் எனில் 80 வினாக்கள் இந்த பகுதியில் இருந்து கேட்க படும்.எனவே இந்த பகுதி வெற்றியை நிர்னைக்கும் பகுதியாக உள்ளது.தற் சமயங்களில் தமிழ் மொழி பாடத்திற்கு கூட கடுமையான தயாரிப்புகள் தேவை படுகின்றன.எனவே இதில் கவனம் தேவை.

பொது அறிவு பாடத்திற்கு ஒரு எல்லை இல்லை.எனவே இந்த பாடத்தை விரிவாக படித்து குறிப்புகளை எடுத்து வைத்து கொள்வது நலம்.வரலாறும்,அறிவியலும் 40%வினாக்களை உள்ளடக்கி விடும்.எனவே இந்த இரண்டு பாடங்களில் அதிக கவனம் தேவை.அறிவு கூர்மை பகுதியில் 25 வினாக்கள் கேட்கப்படும்.இந்த பகுதியை நாம் வெல்ல வேண்டுமாயின் பயிற்சி அவசியம்.அதிகளவு பயிற்சி வினாக்களை நாம் செய்து விடையை கண்டறிய வேண்டும்.மேலும் நேரம் அதிக அளவு செலவாகும் பகுதி இது,எனவே கவனமாக இருக்க வேண்டும்.

இவைகளை எல்லாவற்றை விட 6 முதல் 10 வகுப்பு வரை உள்ள எல்லா சமச்சீர் பாட புத்தகங்களையும் படித்து குறிப்பு எடுத்து கொள்வது சால சிறந்தது.இன்னும் விரல் விட்டு என்னும் நாட்களே உள்ளன.எனவே உங்களின் தயாரிப்புகளை துரித படுத்தவும்.எல்லாவற்றிற்கு மேல் பயிற்சி வினா தாட்களை வைத்து விடை அளிக்க பழகி கொள்ளவும்.OMR தாளில் பயிற்சி செய்வது நலம் பயக்கும்.சோம்பல் உங்களை குழியில் தள்ளிவிடாமல் இருக்க ஓய்விற்கே ஓய்வு தாருங்கள்.

இறுதியாக, விழுவது வெட்க கரமானது அல்ல.விழுந்து கிடப்பது தான் வெட்க கரமானது.

கிராம நிர்வாக அலுவலர்

கிராம நிர்வாக அலுவலர் தேர்வில் புதிதாக சேர்க்கப்பட்டுள்ள கிராம நிர்வாக அடிப்படைகளின் பாடத்திட்டம்:
கிராம நிர்வாகம் அடிப்படைகள்:
குறிக்கோள் வகை தலைப்புகள்:
1 . கிராமம் மற்றும் வருவாய் நிர்வாகத்தில் ஒரு கிராம நிர்வாக அதிகாரின் செயல்பாடுகள் , கடமைகள் மற்றும் பொறுப்புகள்.
[ கேள்விகள் அறிக்கையிடல், காவல் துறைக்கு உதவுவதில் கிராம நிர்வாக அலுவலரின் பங்கு ,பிறப்பு மற்றும் இறப்பு , அரசு கொண்டு வரும் திட்டங்களை செயல்படுத்துதல் / வருமானம், சமூக , ஆதரவற்ற விதவை , திருமண தகுதி , பட்டா மற்றும் இதர தற்காலிக மற்றும் இதர சான்றிதழ்கள் வழங்குதல்.]
2 . வருவாய் நிர்வாகத்தில் கிராம நிர்வாக அதிகாரியால் கையாளப்படும் அ. பதிவேடு , பட்டா , சிட்டா , அடங்கல் முதலியன பற்றி .
3 . ஒவ்வொரு பசலி ஆண்டுக்கும் கிராம நிர்வாக அலுவலரால் கிராம கணக்குகள் சமர்ப்பிப்பது பற்றி .
4 . நிலங்களை வகைப்படுத்துவது தொடர்பான அடிப்படை கோட்பாடுகள் / தகவல் .
5 . மதிப்பீடு மற்றும் ஆண்டு வருவாய் விகிதங்களின் அடிப்படை தகவல்
6 . அரசுக்குச் சொந்தமான பாசன நிலங்கள் பற்றிய அடிப்படைத் தகவல்கள் .
7 .ஜமாபந்தி பணிகள் , அலுவலரின் பணிகள் , ஜமாபந்தி முடிக்கும் காலம் , ஆய்வு செய்தல் , பட்டா திருத்தம் , மற்றும் புதிய பட்டா வழங்குதல் தொடர்பாக , புள்ளிவிவர பதிவேடுகள் , கர்னம்ஸ் கருவிகள் வரைபடங்கள் மற்றும் பதிவேடுகளை ஆய்வு செய்தல் ( RSO -
12 ), பஞ்சாயத்து வருவாய்களை மீளாய்வு செய்தல்.
8 . இயற்கை சீற்றங்களின் பொது கிராம நிர்வாக அலுவலரின் பங்கு .
9 . நிலங்களை ஒதுக்குவது / கிராமம் மற்றும் நகரங்களில் உள்ள வீட்டு மனைகள் பற்றிய அடிப்படைத் தகவல்கள் .
10 . கால்நடைகள் அல்லது பண்ணைகளின் மானியங்கள் தொடர்பாக .
11 . நில வருவாய் வசூல் செய்தல்தொடர்பாக .
12 . நில வருவாய் விலக்கு தொடர்பாக .
13 .அரசு நிலங்கள் ஆக்கிரமிப்பு தொடர்பாக -
ஆக்கிரமிப்பு சட்டம் 1905 . குறிப்பாணை 'ஏ' மற்றும் குறிப்பாணை 'பி' தொடர்பாக .
14 . நிலங்களின் ( RSO 27 ) வடிவம்( வகைகள் ), புதுப்பித்தல் , கூட்டுப் பட்டா தொடர்பான பிரச்சனைகள் மற்றும் பதிவுகள் .
15 .ரயத்துவாரி வைத்திருப்பவரின் உரிமைகள் மற்றும் கடமைகள் .
16 .வயது , திருமண நிலை , வருமானம் மற்றும் இருப்பிடம் தொடர்பாக ஆய்வு செய்தல் மற்றும் வழிமுறைகள்.
17 .அடங்கல் , சிட்டா மற்றும் பிற வருவாய் பதிவுகள் பராமரிப்பது மற்றும் வழங்குவது தொடர்பாக.
18 . நில அளவை , நில அளவையின் உட்பிரிவு மற்றும் நில மேலாண்மை தொடர்பான புத்தக அறிவு .
19. ஷரத்து 51 - ன் படி காடுகள், ஏரிகள், ஆறுகள் மற்றும் காட்டு வாழ்க்கை போன்ற இயற்கை வளங்களைப் பாதுகாத்தல் மற்றும் மேம்படுத்தல் தொடர்பாக
20.கிராம நிர்வாக அலுவலரின் மூலம் பல்வேறு தலைவர்கள் கீழ் செய்யப்பட்ட நேரடி வருவாய் பற்றி .
21 . திருவிழாக்கள் மற்றும் கிராம பொது நிகழ்சிகளின் போது கிராம நிர்வாக அலுவலரின் சிறப்பு பணிகள் .
22 . வருவாய் மீட்பு சட்டம் பற்றிய அடிப்படை தகவல்கள்.
23 . வன நிலங்கள் மற்றும் வளங்கள் தொடர்பான அடிப்படை தகவல் .
24 . சந்தனமர விற்பனை மற்றும் இதர மதிப்புமிக்க மரங்களின் விற்பனை பற்றிய அடிப்படைத் தகவல்.
25 . ஆதிவாசிகள் / பழங்குடியினர்களுக்கு அரசு வழங்கும் சிறப்பு பாதுகாப்பு , உதவிகள் தொடர்பான அடிப்படைத் தகவல்கள் . 

RAJIV GANDHI KHEL RATNA AWARD WINNERS

RAJIV GANDHI KHEL RATNA AWARD WINNERS

1991–92 —Viswanathan Anand (Chess)

1992–93— Geet Sethi (Billiards)

1993–94 —Not Conferred

1994–95— Cdr. Homi D. Motivala & Lt. Cdr. P. K. Garg (Yachting)

1995–96— Karnam Malleswari(Weightlifting)

1996–97— Nameirakpam Kunjarani(Weightlifting),Leander Paes (Tennis)

1997–98— Sachin Tendulkar(Cricket)

1998–99— Jyotirmoyee Sikdar(Athletics)

1999–2000— Dhanraj Pillay (Hockey)

2000–01— Pullela Gopichand(Badminton)

2001–02— Abhinav Bindra(Shooting)

2002–03— Anjali Ved Pathak Bhagwat(Shooting), K. M. Beenamol (Athletics)

2003–04— Anju Bobby George(Athletics)

2004–05— Lt. Col Rajyavardhan Singh Rathore(Shooting)

2005–06— Pankaj Advani (Billiards and Snooker)

2006–07— Manavjit Singh Sandhu (Shooting)

2007–08— Mahendra Singh Dhoni (Cricket)

2008–09— Mary Kom (Boxing),Vijender Singh (Boxing),Sushil Kumar (Wrestling)

2009–10— Saina Nehwal (Badminton)

2010–11— Gagan Narang (Shooting)

2011–12— Vijay Kumar (Shooting), Yogeshwar Dutt (Wrestling)

2012–13— Ronjan Sodhi (Shooting)